Pinapanindigan namin ang mga karapatang sibil ng lahat ng tao sa Estados Unidos.
Ang Dibisyon sa mga Karapatang Sibil ay nagpapatupad ng mga batas na pampederal na pumoprotekta sa iyo mula sa diskriminasyon batay sa iyong lahi, kulay, pambansang pinagmulan, katayuan ng kapansanan, kasarian, relihiyon, katayuan ng pamilya, o kawalan ng ibang mga karapatan sa ilalim ng saligang batas.
Kung naniniwala ka na ang iyong mga karapatang sibil o ng ibang tao ay nalabag, magsumite ng ulat gamit ang aming online na pormularyo.
Mag-umpisa ng isang ulat Alamin ang iyong mga karapatan
Kung ikaw ay nasa panganib, makipag-ugnay sa 911
Kung ikaw o ibang tao ay nasa kaagarang panganib, mangyaring tumawag sa 911 o lokal na pulis.
Kung ikaw ay nag-uulat sa maling pangangasiwa ng mga nagpapatupad ng batas o naniniwala ka na nakaranas ka ng isang krimen sa pagkapoot, mangyaring makipag-ugnay sa FBI.
Tungkol sa Dibisyon sa mga Karapatang Sibil
Pinoprotektahan namin ang iyong mga karapatan sa pamamagitan ng:
Pagpapatupad
Idinedemanda o inuusig namin ang mga tao at mga samahan na lumalabag sa mga batas sa mga karapatang sibil.
Maaari mo kaming tulungang gawin ang trabahong ito sa pamamagitan ng pag-uulat ng isang posibleng paglabag sa mga karapatang sibil sa pamamagitan ng aming online na pormularyo.
Edukasyon
Tinutulungan namin ang publiko na maunawaan kung paano sumunod sa mga batas na ito.
Ginagawa namin ito sa pamamagitan ng pakikipag-usap sa publiko, tulong na pangteknikal, at iba pa.
Koordinasyon
Tinutulungan namin ang buong gobyernong pampederal na magtrabaho ng sama-sama upang ipatupad ang mga batas na ito.
Ang aming mga koponan ay nagtatrabaho kasama ang ibang mga ahensya upang itaguyod ang naaalinsunod na pagtalakay ng mga batas sa karapatang sibil.
Pag-unawa sa iyong mga karapatan
Maaari kang protektahan ng mga batas sa karapatang sibil mula sa labag sa batas na diskriminasyon, panliligalig, o abuso sa iba’t-ibang kapaligiran katulad ng pabahay, lugar ng pinagtatrabahuhan, paaralan, pagboto, negosyo, pangangalaga sa kalusugan, pampublikong mga puwang, at iba pa.
Kung ikaw ay minaltrato ng nagpapatupad ng batas (kabilang ang habang nakakulong), naniniwala na ikaw ay naging biktima ng isang krimen sa pagkapoot, o isang biktima ng panlilinlang ng mga tao, maaari ka naming tulungan na tumungo sa tamang direksiyon.
Pumili mula sa listahang ito upang makita ang halimbawa ng mga paglabag sa mga karapatang sibil:
-
Mga halimbawa
Mga sagabal sa pagpaparehistro sa pagboto, sa pagkuha o pagsumite ng balota, sa pagbilang sa iyong balota, o pagpasok sa lugar ng botohan upang bumoto
Tinanggihan ng sapat na tulong sa pagboto o mga akomodasyon para sa isang kapansanan sa lugar ng botohan
Pinaghigpitan o pinigilang makilahok sa isang halalan, kabilang ang pagboto, pagiging isang kandidato, o pagkahalal sa posisyon
Tandaan
Upang iulat ang isang banta laban sa mga botante, mga banta laban sa mga opisyal ng halalan, o pandaraya sa halalan, bisitahin ang tips.fbi.gov o tumawag sa 800-CALL-FBI
-
Mga halimbawa
Natanggal sa trabaho, hindi natanggap, o na-demot sa trabaho sa kadahilanang hindi kaugnay sa pagganap sa trabaho o mga kwalipikasyon.
Ginantihan dahil sa pag-uulat ng diskriminasyon
Hindi naaangkop na humiling na magbigay ng dokumentasyon tungkol sa imigrasyon.
Tinanggihan sa muling pagtatrabaho o sisantehin sa trabaho batay sa serbisyong militar
Tinanggihan ng tulong dahil sa isang kapansanan, kabilang ang hindi pagpapahintulot na magkaroon ng hayop na nagbibigay ng serbisyo sa lugar ng pinagtratrabahuhan
-
Mga halimbawa
Tinanggihan ng pabahay, pahintulot, o pautangin batay sa personal na mga katangian katulad ng lahi, kasarian, at/o pagkakaroon ng mga anak na wala pang 18 taong gulang
Panliligalig ng isang nagpapaupa o ibang umuupa, kabilang ang sekswal na panliligalig
Mga hamon sa pagwawakas ng pagpapaupa dahil sa pagbabago ng katayuan sa militar
Tinanggihan ng tulong dahil sa isang kapansanan, kabilang ang hindi pagpapahintulot na magkaroon ng hayop na nagbibigay ng serbisyo o hayop na tumutulong sa loob ng pampublikong pabahay
-
Mga halimbawa
Panliligalig batay sa lahi, kasarian, pambansang pinagmulan, kapansanan, o relihiyon
Tinanggihan ang pagpasok o inihiwalay sa isang palatuntunan o aktibidad na pang-edukasyon
Tinanggihan ng mga tulong na pang-edukasyon dahil sa isang kapansanan o kahadlangan sa wika
-
Mga halimbawa
Pagmamalupit ng pulis o paggamit ng labis na puwersa, kabilang ang mga kaparaanan ng maling pangangasiwa ng mga pulis
Hinanapan at inaresto sa ilalim ng maling mga pagpapanggap, kabilang ang pagtatangi ng lahi o iba pang diskriminasyon
Tinanggihang mga karapatan habang naaresto o nakakulong
Tinanggihan ng pagkakaroon ng ligtas na mga kondisyon sa pamumuhay o mga tulong para sa kapansanan, kahadlangan sa wika, o kasanayan sa relihiyon habang nakakulong
-
Mga halimbawa
Isang lugar na pisikal o online na hindi nagkakaloob ng akomodasyon para sa may kapansanan
Tinanggihan na serbisyo o pagpasok dahil sa isang pinaghihinalaang personal na katangian katulad ng lahi, kasarian, o relihiyon
Tinanggihan ng tulong dahil sa isang kapansanan, kabilang ang hindi pagpapahintulot na magkaroon ng hayop na nagbibigay ng serbisyo sa isang komersyal o pampublikong lokasyon
-
Ang isang krimen sa pagkapoot ay karahasan o mga pananakot ng karahasan batay sa lahi, kulay, pambansang pinagmulan, relihiyon, kasarian, oryentasyong sekswal, pagkakakilanlan ng kasarian, o kapansanan.
Mga halimbawa
Pisikal na atake na nagdudulot ng pinsala, o pagtangkang magdulot ng pinsala gamit ang mapanganib na sandata, dahil sa mga katangian na nabanggit sa itaas
Mga atake, mga banta ng karahasan, o pagsira ng mga ari-arian sa lugar ng pagsamba (tulad ng: pagbaril, pagsunog, pagbomba, pagbasag ng mga bintana, pagsulat ng mga insulto)
-
Mga halimbawa
Pinilit na magtrabaho sa pamamagitan ng mga banta ng pananakit o deportasyon, manipulasyong sikolohikal, manipulasyon sa mga utang, pagkumpiska ng mga dokumento, o pagkakulong
Pinuwersa sa trabahong pakikipagtalik upang mapagkakitaan sa pamamagitan ng pisikal na pang-aabuso o pag-atake, sekswal na pang-aabuso o pag-atake, iba pang mga banta ng pananakit, o pagkakulong
Kung sa tingin mo ay nakaranas ka ng kaparehong sitwasyon, aralin kung paano mag-ulat ng isang paglabag sa mga karapatang sibil.
Protektado ng mga batas sa mga karapatang sibil
Ang mga ito ay ang pinaka-karaniwang mga katangian na ligal na pinoprotektahan.
- Lahi/kulay
- Kapansanan kabilang ang panandalian o habang nagpapagaling
- Relihiyon
- Kasarian, pagkakakilanlan ng kasarian, at orientasyong sekswal
- Katayuan sa Imigrasyon / Pagkamamamayan
- Wika at pambansang pinagmulan kabilang ang pinagnunuan at etnisidad
- Katayuan ng pamilya, pag-aasawa, o pagiging magulang kabilang ang pagbubuntis
- Edad
- Pagkakakilanlan ng genetika
- Katayuan sa miyembro ng serbisyo
Paano mag-ulat ng isang paglabag sa mga karapatang sibil
Kung naniniwala ka na ikaw o ang ibang tao ay nakaranas ng labag sa batas na diskriminasyon, maaari kang mag-ulat ng isang paglabag sa mga karapatang sibil.
Mag-ulat gamit ang aming online na pormularyo.
Sa pamamagitan ng pagkumpleto sa online na pormularyo, maaari kang magbigay ng mga detalye na kailangan namin upang maunawaan kung ano ang nangyari. Makakatanggap ka ng numero bilang kumpirmasyon at ang iyong ulat ay agad na maipapadala sa aming kawani upang masuri.
Sinusuri namin ang iyong ulat.
Ang mga koponan na dalubhasa sa paghawak ng iyong uri ng suliranin ay susuriin ito. Kung kinakailangang ipasa ito sa ibang koponan o ahensya, susubukan naming ikonekta ang iyong reklamo sa tamang pangkat.
Tinutukoy namin ang mga susunod na hakbang at babalikan ka namin.
Kabilang sa posibleng mga kalalabasan ay ang: mag-follow-up para sa karagdagang impormasyon, mag-umpisa ng isang pagpapagitna o pagsisiyasat, ididirekta ka sa ibang samahan para sa karagdagang tulong, o ipapaalam sa iyo na hindi kami makakatulong.
Ikaw ba o isang kakilala mo ay nakaranas ng isang paglabag sa mga karapatang sibil?
Mag-umpisa ng isang ulatNagsumite na ng ulat?
Ito ang aasahan.
Salamat sa iyong ulat. Masinsinan naming binabasa ang bawat isa upang matukoy kung mayroon kaming awtoridad na tumulong. Ginagawa namin ang lahat ng aming makakaya upang ipaalam sa iyo kung ano ang kinalabasan ng aming pagsusuri. Subalit, maaaring hindi namin palaging maibibigay sa iyo ang mga pinakabagong impormasyon dahil:
- Kami ay aktibong nagsasagawa ng pagsisiyasat o kaso na kaugnay sa iyong ulat.
- Kami ay tumatanggap at aktibong sumusuri ng maraming mga ulat ng sabay-sabay.
Kung magagawa naming tumugon, makikipag-ugnay kami sa iyo gamit ang impormasyon sa pakikipag-ugnay na ibinigay mo sa ulat na ito. Depende sa uri ng ulat, ang mga oras ng pagtugon ay maaaring iba-iba. Kung kinakailangan mong makipag-abot sa amin tungkol sa iyong ulat, mangyaring sumangguni sa iyong numero ng ulat kung makikipag-ugnayan sa amin. Ito ang paraan namin upang masusubaybayan ang iyong pagsumite.
Nangangailangan ng kagyat na ligal na tulong?
Dahil sa dami ng mga ulat na aming natatanggap, maaaring tumagal ng ilang linggo bago kami makatugon sa iyong suliranin. Ang mga tanggapang lokal sa ligal na tulong o mga abogado sa iyong lugar ay maaaring tumugon ng mabilisan o tumulong sa iyong pagkabahala
Makipag-ugnay sa Korporasyon ng Mga Serbisyong Legal upang tulungan kang makahanap ng isang abogado ng tulong na legal sa iyong lugar sa lsc.gov/find-legal-aid.
O bisitahin ang www.americanbar.org/groups/legal_services/flh-home o tawagan ang (800) 285-2221 upang humanap ng isang abogado sa pamamagitan ng American Bar Association.